Wednesday, July 31, 2013

Marathi Poem: एकच… (मराठी हृदयस्पर्शी कविता)

(मूळ कवी: अज्ञात)

Marathi Kavita: Ekach


एकच चहा, तो पण कटींग…
एकच पिक्चर, तो पण टॅक्स-फ्री…
एकच साद, ती पण मनापासून…
अजून काय हवे असते मित्राकडून?

ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Saturday, July 27, 2013

Marathi Article: अपने लिये जिये तो क्या जिये?


Marathi Article: Civic Sense

सिंगापूरला गेल्यावर एका भारतीयाने भाडयाने टॅक्सी घेतली आणि जेथे जायचे होते त्या पत्त्याचे कार्ड ड्राईव्हरला दाखवले. ड्राईव्हरने पत्ता नीट वाचला आणि गाडी सुरु केली. ड्राईव्हरला पत्ता व्यवस्थीत न समजल्याने एका चौकातून टॅक्सी वळवून पुन्हा मागे घ्यावी लागली. पण शेवटी त्याने उतारूला बरोबर पत्त्यावर सोडले. मीटरवर ११ डॉलर झाले होते. भारतीयाने अकरा डॉलर ड्रायव्हरच्या हातावर ठेवले. टॅक्सी ड्रायव्हरने एक डॉलर परत दिला. भारतीयाला आश्चर्य वाटले. बिग बझार प्रमाणे टॅक्सी भाडयात सवलत मिळते कि काय असे वाटले. त्याने ड्रायव्हरला विचारले.


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Sunday, July 21, 2013

Marathi Story: भ्रष्टाचाराची ऐशीतैशी (मराठी रहस्यकथा - भाग २)

(मूळ लेखक: जेफ्री आर्चर)
मागील भागावरुन पुढे चालू: भाग १ इथे वाचा
"हे जवळ ठेवा. मला खात्री आहे तुम्हाला बरेच शत्रू तयार झाले असतील. आणि नसतील तर आता होतील." पिस्तुल पुढे करत जनरल ओतोबी म्हणाले.

"धन्यवाद" असे पुटपुटत अगराबींनी ते पिस्तुल आपल्या खिशात ठेवले आणि ते बाहेर पडले.

त्यानंतर अगराबींनी आपले काम अजून वेगाने सुरु केले. रात्र-रात्र ते कागदपत्रे वाचत असायचे, संगणकावरचे रेकॉर्डस तपासायचे. पण दिवसा याबद्दल कोणाशीही एक चकार शब्द बोलायचे नाहीत. जवळपास तीन महिन्यानंतर अगराबी आपले कार्य तडीस न्यायला सिद्ध झाले. आपल्या गुप्त परदेश दौऱ्यासाठी त्यांनी ऑगस्ट महिना निवडला. हा नायजेरियन नागरीकांसाठी सुट्टीचा महिना असल्याने बहुतांशी लोक प्रवासाला जायचे आणि त्यामुळे अगराबींची अनुपस्थिती फारशी कुणाला जाणवणार नाही हा त्यामागचा मूळ उद्देश. त्यांनी आपल्या सेक्रेटरीला आपल्यासाठी व आपल्या कुठुंबियांसाठी अमेरिकेचे विमान-तिकिट काढायला सांगितले. त्याचा खर्च आपल्या वैयक्तीक खात्यातून करायचे सांगायला मात्र ते विसरले नाहीत!

अमेरिकेतील ओर्लांडो या ठिकाणी पोचल्यादिवशीच अगराबींनी बायकोला आपण काही दिवस न्यूयॉर्कला कामानिमित्त जाणार असल्याचे सांगितले. दुसऱ्या दिवशी सांगितल्याप्रमाणे बायका-मुलांना ओर्लान्डो डीजने-पार्क मध्ये सोडून अगराबी न्युयोर्कला विमानाने निघाले. न्युयोर्क विमानतळावरच त्यांनी स्वित्झर्लंडचे रिटर्न तिकीट रोख पैसे भरून खरेदी केले आणि काही तासातच अगराबींचा स्वित्झर्लंडकडे प्रवास सुरु झाला. स्वित्झर्लंडमध्ये पोचल्यावर त्यांनी एका छोट्याशा हॉटेलमध्ये रूम बुक केली व जेवण करून तब्बल आठ तासाची निवांत झोप घेतली. सकाळी उठल्यावर नाश्ता करता-करता त्यांनी नायजेरियात गेल्या तीन महिन्यात काळजीपूर्वक बनवलेली बँकेंची लिस्ट डोळ्याखालून घातली व त्यातल्या पहिल्या बँकेच्या चेअरमनला फोन लावला. दुपारी बारा वाजताची भेटीची वेळ दोघांना सोयीची असल्याने त्या वेळी भेटायचे ठरवून त्यांनी फोन बंद केला.


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Saturday, July 20, 2013

Marathi Story: भ्रष्टाचाराची ऐशीतैशी (मराठी रहस्यकथा - भाग १)

(मूळ लेखक: जेफ्री आर्चर)

Story of Corruption

ही आगळीवेगळी कथा आहे आफ्रिकेतल्या नायजेरिया देशातली. जेंव्हा श्रीयुत अगराबी तिथले अर्थमंत्री झाले तेंव्हाची. तसे ह्या नवीन अर्थमंत्री नियुक्तीचे फारसे कौतुक कुणाला नव्हते. राजकीय समीक्षकांच्या मते तर ही "रोज मरे त्याला कोण रडे" यातली गोष्ट होती. आणि तेही काही पूर्णपणे खोटे नव्हते -- वेगवेगळ्या घोटाळ्यांमुळे गेल्या १७ वर्षात नायजेरियाचे अर्थमंत्री तब्बल १७ वेळा बदलले गेले होते!


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Tuesday, July 16, 2013

Marathi Article: लाज विकणारया जाहिराती

जाहिरात ही पासष्ठावी कला मानली जाते. आजच्या आधुनिक जगाने मात्र बाकीच्या सर्व कलांना बाजूला बसवून जाहिरात कलेला राजसिंहासनाचा मान दिला आहे. या कलेच्याच जोरावर आज अनेक कंपन्या आणि त्यांची उत्पादने जगावर राज्य करत आहेत. वास्तविक त्याबाबत तक्रार करण्याचे कारणही नाही. परंतु आता या कलेने बीभत्सपणा व अश्लीलतेचा जो आधार घेतला आहे तो नक्कीच आक्षेपार्ह मानवा लगेल. कोणतेही उत्पादन घ्या, त्याची जाहिरात करण्यासाठी लैंगिकता, वासानांधता आणि स्त्री-देह प्रदर्शनाचा मार्ग व्यापारी कंपन्यांनी स्वीकारला आहे.

Effect of Vulgar Advertisements



ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Thursday, July 11, 2013

Marathi Article: निरीश्वरवाद आणि ईश्वर

(लेखक: विनायक पलुस्कर)

अनेक अतर्क्य घटना, उपाय नसलेली असुरक्षितता, अकल्पितपणे उध्वस्त करणारी दुःखे, सारे सुरळीत चालू असताना नियतीनामक शक्तीचे बसणारे असह्य फटके व विज्ञानाच्या आवाक्यात अद्याप न आलेला, कधीही येऊ शकणारा मृत्यू ह्या गूढ रसायनाने भरून गेलेली ती पोकळी "तू एक असहाय्य बाहुले आहेस" असे सतत मानवाला बजावत असते. ही पोकळी भरून काढण्याकरिता माणसाने ईश्वराची निर्मिती केली आहे. या सर्व अज्ञात, अगम्य व गूढ भयाचा भार त्याने त्याच्यावर टाकला.

Atheist and Existence of God


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Sunday, July 7, 2013

Marathi Article: श्रद्धा विज्ञानविरोधी आहे का?

(लेखक: सुमित घाटगे)

समजा … तुम्हाला रस्त्यात एक चकचकीत पिवळा धमक धातूचा तुकडा मिळाला तर तुम्ही डोळे झाकून असं  म्हणता का की हा सोन्याचा आहे? नाही. तुम्ही तो घेऊन सोनाराकडे जाता, तो सोन्याचाच आहे याची खात्री करून घेता, आगीत टाकून त्याची सत्वपरीक्षा करता आणि मग शेवटी कबूल करता की ते खरोखरच सोने आहे. श्रद्धेचेही तसेच आहे किंबहुना तसेच असले पाहिजे.

Spirituality and Science


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Monday, July 1, 2013

Marathi Article: अंगात का येते?

(लेखक: डॉ. प्रकाश पंगू)

अनेक धार्मिक ठिकाणी, विशेषतः जी देवळे "स्वयंभू" किंवा "जागृत" मानली जातात तेथे अनेक भक्तांच्या "अंगात" येते. बहुदा ही गोष्ट स्त्री व्यक्तींच्या बाबतीतच घडते आणि तरुण युवती आणि मध्यमवर्गीय महिलांच्या बाबतीत ती दिसून येते. हे अंगात येणे म्हणजे नेमके काय असते?

अंगात येण्याचा हा प्रकार बहुदा देवाच्या, देवीच्या आरतीच्या वेळी, पालखीच्या वेळी घडताना दिसतो. ज्या बाईच्या अंगात येते ती सुरुवातीला स्तब्ध होते, डोळे जडावल्यासारखे होतात. डोके व शरीराचा वरचा भाग हळूहळू फिरायला लागतो. हात आपोआप उचलले जातात. तोंडातून ह्युं S S ह्युं S S असा आवाज यायला लागतो. थोडयाच वेळात या सर्व हालचालींचा वेग वाढतो. त्या स्त्रीच्या सर्वांगाला दरदरून घाम फुटतो. त्यातच इतर स्त्रिया पुढे जाऊन तिचा घाबरत घाबरत मळवट भरतात, नमस्कार करून बाजूला होतात. लहान मुले "तो" अवतार बघून घाबरून जातात.

आता त्या बाईच्या अंगात आलेल्या देवीने तिचा चांगलाच ताबा घेतलेला असतो. घुमण्याचा आणि हुंकाराचा सूर टिपेला जातो. देवी आता सर्व उपस्थित भक्तसमुदायाला कडक शब्दात सूचना देऊ लागते. आपला प्रकोप का झाला तेही असंबद्ध भाषेत सांगू लागते. पालखी झाली, शेजारती झाली की अंगात आलेली देवी हळूहळू बाहेर पडते. ती बाई शुद्धीवर येते तेंव्हा तिला आपण काय केले तेही आठवत नाही. तिच्या अंगात काही काळ का होईना पण देवी येते त्याचा अर्थ ती बाई अध्यात्मिक द्रुष्ट्या इतरांपेक्षा उच्च दर्जाची असल्याचाच निर्वाळा मानला जातो. अशा बाईच्या बाबतीत मग अंगात येण्याच्या प्रकाराची सतत पुनरावृत्ती होताना दिसते.

हा प्रकार नेमका काय आहे? याचा खुलासा पूर्णपणे शास्त्रीय पद्धतीने करता येईल काय? ही काही अज्ञात, गूढ शास्त्र यामागे लपले आहे? अनेकजणांचे या संदर्भातले अनुभव वेगवेगळे आहेत. सर्वसामान्यपणे ज्या गोष्टींचा खुलासा करता येणार नाही अशा गोष्टीही यात असतात. उदाहरणार्थ एका अंगात आलेल्या बाईची प्रकृती इतकी अशक्त, दुबळी होती की तिला धड उभेही राहता येत नव्हते. अशा बाईने दोन-दोन, तीन-तीन तास मोठमोठ्याने हुंकार देत, शरीराची वेगवान हलचाल करत देवीचे कडक इशारे सुनवावेत हे कसे शक्य आहे? काही अडाणी बायकांच्या अंगात येते आणि त्या पुर्णपणे परक्या भाषेत बोलायला लागतात, हे कसे?


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात