Sunday, September 29, 2013

Marathi Article: मुले का शिकत नाहीत?

परवा एका कार्यक्रमामध्ये बोलताना एका विदुषीने विधान केले की
आजकाल एवढया सुखसुविधा, साधने आणि सोयी असूनही विद्यार्थी शिकायला तयार का नाहीत? याचे कारण म्हणजे आपण त्याला जरुरीपेक्षा जास्त ताण  देत आहोत. त्याला ज्ञानाची भूक लागली नसताना कितीही दिले तर तो ते स्विकारणार नाही. विद्यार्थ्यांमध्ये ज्ञानाची भूक निर्माण झाल्याशिवाय शिकविण्याचा कितीही प्रयत्न केला तरी तो निष्फळ ठरणार. तेव्हा ही जिज्ञासेची भूक कशी वाढवायची हा सर्व शाळांसामोरचा प्रश्न आहे. टारगटपणा, खेळ, फॅशन किंवा चैनी यात रस घेणारे हे विद्यार्थी शाळेतील ज्ञानार्जानाला साद का देत नाहीत?
ज्ञानाची लालसा, ज्ञानपिपासूपणा किंवा ज्ञानशाखेच्या दृष्टीने सक्षम वाटचाल करणे, त्यासाठी कष्ट वेचणे, रात्रंदिवस प्रयत्नांची पराकाष्टा करणे ही विद्यार्थी लक्षणे लोप पावत चालली आहेत असे म्हणणे धाडसाचे ठरेल. कारण आज वयाच्या २५-२६ व्या वर्षी अभियांत्रिकी, आयटी क्षेत्रातील विद्यार्थी त्यांच्या वडिलांची निवृत्ती वेळी मिळविला नसेल एवढा स्टार्ट घेऊन नोकरीची सुरवात करत आहेत. त्यांच्या पॅकेजचे आकडे ऐकले तर भोवळ येईल असा मामला आहे. २५-३० वर्षाचा विद्यार्थी १० वेळा परदेशात जाऊन येत आहे. १८-१९ वर्षांचा विद्यार्थी ज्यावेळेला पासपोर्ट काढून शिक्षणासाठी व्हिसाच्या रांगेत अमेरिकन किंवा इतर देशांच्या कॉन्सुलेटपुढे उभा राहतो त्यावेळी तो ज्ञान घेताना दिसत नाही असे म्हणता येत नाही. ज्ञानाच्या रुंदावलेल्या कक्षा विद्यार्थ्यांना निश्चित मोह घालीत आहेत. सकाळी साडे दहा ते साडे पाच ही 'टिपिकल बाबू' टाईप नोकरी आता इतिहासजमा झाली आहे. एकाच खात्यात रुजू झाल्यापासून निवृत्तीपर्यंत इफ़िशियन्सी बार पार करीत पाट्या टाकणार्‍या 'गुळगुळीत' नोकऱ्यांचा जमाना बदलून गेला आहे.

ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Thursday, September 26, 2013

Marathi Article: महिलादिन उरला निमित्तमात्र!

Women Power

आपण सारे भारतीय लोक किती उत्सवप्रिय आहोत याचे काही महिन्यांपूर्वी 'महिलादिना'च्या निमित्ताने पुन्हा एकदा दर्शन झाले. दिवस साजरा करणे याला आता इतके साचेबद्ध आणि रटाळ स्वरूप आले आहे की आयोजक, प्रायोजक आणि दर्शक-प्रेक्षक हे सर्वचजण कंटाळून गेले आहेत. 'महिला महोत्सव' म्हणा किंवा 'सबलीकरणाचा नवा फंडा' म्हणून काहीतरी नवे फॅड - नवी फॅशन बाजारात आणा किंवा त्याच त्याच 'सेलिब्रेटी'ना त्याच त्याच कहाण्या रंगवायला सांगा, परिणाम शुन्य!


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Saturday, September 21, 2013

Marathi Article: गुणवान पण उपेक्षित कलाकार: सुमन कल्याणपूर

एखादा कलावंत अत्यंत गुणी असावा आणि तितकाच दुर्दैवी असावा अशी खूप उदाहरणे आपल्याला पाहायला मिळतात. अंगच्या अस्सल कलागुणांना पुरेसा वाव मिळाला नसल्याने त्या गुणांचे चीज झाले नाही, समाजाला अशा गुणी कलाकारांची खरी ओळखच पटली नाही असेही बऱ्याचदा होते. याचे एक जीते-जागते खणखणीत उदाहरणं म्हणजे पार्श्वगायिका सुमन कल्याणपूर! आज वयाच्या ७५ व्या वर्षी अत्यंत तटस्थपणे, कोणतीही कटुता न बाळगता, आपल्यावर झालेल्या अन्यायाविरुद्ध 'ब्र ' ही  न काढता शांतपणे वृद्धत्व जपत, एकांतवासात समाधानाने जगणारी गायिका!

Suman Kalyanpur


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Wednesday, September 18, 2013

Marathi Article: जीवनाची वाट तुडवताना

Penny wise, Pound foolish! अशी एक म्हण इंग्रजीत आहे. पण खरंतर लहान लहान गोष्टींची काटकसर करायला शिकलं की मोठ्या गोष्टींची  काटकसर कळत नकळत होत राहते. निसटलेला पहिला टाका वेळेवर घातला तर पुढचे नऊ टाके वाचतात अशा अर्थाची म्हण त्या म्हणीच्या नाण्याची दुसरी बाजू म्हणावी लागेल.
कोणत्याही बाबतीत सुरवात छोट्या गोष्टीपासून व्हावी म्हणजे मोठयाचे आगमन शेवटी आनंददायी वाटते. लहान सहान पदावरून काम करत गेलेला माणूस ज्यावेळी मोठ्या अधिकारावर जातो तेव्हा त्याच्या कामातच नव्हे तर वागण्या-बोलण्यात एक प्रकारची खोली व समृद्धी येते. आजकाल विपुलतेचा जमाना आला आहे. लहान मुलांना डबा भरून चॉकलेट, फ्रीजभरुन कॅडबरीज, चप्पल स्टेन्ड भरून वाहणारे शूज, शोधण्यांत दिवस जाईल एवढे कपडे, शाळेचे साहित्य, वह्या पेन, पुस्तके, टिफिन, खेळणी, सायकली हा खेळ शेवटी तारुण्यात पदार्पण करेपर्यंत मोबाईल, सीडीज, कॉम्पुटर, व्हिडीओ गेम्स आणि पॉकेटमनीनी ओथंबलेल्या खिशापर्यंत जातो.

एवढी साधने पुरवूनही कुठल्याच दिशेने त्यांची साधना होत नसल्याने आई-वडीलांची स्थिती मात्र काहीच "साधे ना" अशी होते. त्यापेक्षा साधे रहा या विचाराने वेळीच रोपण केले असते आणि वस्तूपेक्षा माणसांचा सहवास आणि पुस्तकांशी मैत्री, खेळण्याच्या पसाऱ्याऐवजी मैदानातील खेळ आणि काटकसरीतून फुलणारे गुणवत्तेच्या दिशेने नेणारे नेटके शिक्षण झाले असते तर ते बालफुल पूर्ण क्षमतेने फुलले असते. पण आता त्या फुललेल्या घटत्कोचाला सांभाळणे पालकांच्या शक्तीबाहेरचे ठरते.


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Saturday, September 14, 2013

Marathi Article: आयटम साँग पुरतीच अश्लीलता?

आपण सर्वजण किती ढोंगी, खोटारडे आणि दुटप्पी वागणारे आहोत याचा अश्लील गाण्यांना टीव्हीवर बंदी घालण्याच्या निमित्ताने पुन्हा एकदा प्रत्यय आला आहे. "मुन्नी बदनाम हुई", "शीला कि जवानी" , "हलकट जवानी" अशी काही उत्तान व बीभत्स गाणी टीव्हीवर दाखवू नयेत अशी सेन्सॉर बोर्डाने शिफारस केली आहे. प्रत्यक्षात प्रक्षोभक जाहिराती व स्त्री-देहाचे भडक दर्शन घडवण्यात टीव्हीने आता इतकी पुढची पायरी गाठली आहे कि अशा गाण्यातली अश्लीलता त्यापुढे अगदीच मवाळ ठरेल.

Bollywood Item Song


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Wednesday, September 11, 2013

Marathi Article: कट-पेस्ट कलाकृती!

Cut Paste

कॉम्प्युटरने सर्व क्षेत्राचा कब्जा घेतला आहे. फोटोग्राफी, डिझायनिंग, प्रिंटींग पासून ते निरनिराळ्या क्षेत्रातील उच्च तंत्रज्ञांनापर्यंत संगणकाने मुसंडी मारली आहे. या कॉम्प्युटरला जेंव्हा इंटरनेटचे पंख मिळाले तेंव्हा तर त्याला स्वर्ग दोन बोटावर उरला. कारण नेटमुळे जगाच्या कानाकोपऱ्यातील माहिती क्षणार्धात आपल्या मुठीत छे! बुट्टीत येऊ लागली. साहजिकच असा तयार बेडेकरांचा मसाला किंवा हलदीयांची नमकीन मिळू लागल्यावर घरोघरच्या गृहिणींच्या पारंपारिक पाक कौशल्याचा पार भुगा झाला तसेच खरोखर डोके खाजवण्याऐवजी 'माऊस ' फिरवला की माहितीचा 'पाऊस ' पडतो हे कळले. आता थोडीशी कळ काढ असे म्हणण्याऐवजी ही तेवढी कळ दाब म्हणजे जे जे हवे ते हवेतून आल्यासारखे तुझ्या पुढयात येईल हा आत्मविश्वास वाढला.


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Saturday, September 7, 2013

Marathi Article: हे कसले प्रजासत्ताक?

एकदा  कोल्हापुरात वाहतूक पोलिसांनी काही लहान मुलांना मोटर सायकल चालवत असताना अडवले व पोलिस स्टेशनमध्ये नेले. तेथे त्यांची चौकशी केली. या छोटयाशा गोष्टीची मोठी बातमी व्हायचे काहीही कारण नव्हते. पण ती बातमी झाली. 'प्रजासत्ताक' नावाच्या संघटनेच्या पदाधिकारयानी त्या पोलीस ठाण्यात जाऊन फोटो काढले व मुलांचा मानसिक छळ होत असल्याबद्दल बालहक्क आयोगाकडे व जिल्हा पोलीस अधिक्षकाकडे "ई " मेल द्वारे निवेदन दिले अशी बातमी एका सामाजिक जाणीवेने सदैव भारलेल्या वृत्तपत्रातून छापूनही आले.

Kid Driving Car


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात

Wednesday, September 4, 2013

Marathi Article: रजत गुप्तांचा धडा!

अमेरिकेला गेलेले आणि तिथल्या कार्पोरेट जगतात अतिउच्च स्थानी पोहोचलेले जे काही मोजके भारतीय आहेत त्या सर्वात रजत गुप्त हे नाव ठळकपणे घ्यावे लागेल.  मॅकिन्जे, गोल्डमन सॅक्स आणि अशाच अनेक जगविख्यात, अवाढव्य आकाराच्या कंपन्यांचे प्रमुखपद, संचालकपद हाताळणारे एक अत्यंत कार्यक्षम कॉर्पोरेट एक्झिक्युटिव्ह अशी त्यांची प्रतिमा. पण एका मित्राला फायदा व्हावा म्हणून आपल्या पदाचा गैरवापर केल्याचा आरोप त्यांच्यावर झाला. अमेरिकेतील न्याययंत्रणा इतकी कार्यक्षम व नि:पक्षपाती कि अवघ्या अठरा महिन्यात या आरोपाची शहानिशा झाली आणि गुप्ता यांना दोन वर्षाच्या तुरुंगवासाची शिक्षा झाली.

United States Judicial System


ऑनलाईन कट्ट्यावरचे नवीन लेख तुमच्या ई-मेल वर आणि फीड-रीडर वर मिळू शकतात